“BOTAŞ” şirkəti ekologiya layihələrinə dəstəyini davam etdirir
Ankara, 31 avqust (AZƏRTAC). Türkiyənin “BOTAŞ” şirkəti son illər biomüxtəlifliyin qorunması üçün maliyələşdirdiyi layihələrdən əldə olunan 31 min 741 nümunəni Türkiyə Meşə və Su İşləri Nazirliyinin tərtib etdiyi “Nuhun gəmisi” adlı milli məlumat bazasına təhvil vermişdir. Bununla, 2007-ci ildə qurulmuş və Türkiyədə biomüxtəlifliyin qorunmasına xidmət edən bu məlumat bazasında toplanmış biomüxtəliflik növünün sayı 350 minə çatmışdır.
Şirkətin məlumatına görə, “Ətraf mühitin qorunması sərmayəsi” proqramı çərçivəsində həyata keçirilən 8 layihənin yekunlarına əsasən, əksəriyyəti nadir növlər olmaqla, 3 min 245 bitki, 1758 məməli, 938 sürünən, 7 min 540 kəpənək və 18 min 260 quş növüi toplanaraq “Nuhun gəmisi” internet saytındakı məlumat bazasında yerləşdirilmişdir.
Oqtay Bayramov
AZƏRTAC-ın xüsusi müxbiri
Ankara
Bölmənin digər xəbərləri
