Böyük Britaniya İspaniyadan sərnişin gəlişinə məhdudiyyətləri bərpa edir
London, 26 iyul, AZƏRTAC
Böyük Britaniya İspaniyadan sərnişin gəlişinə məhdudiyyətləri bərpa edir.
AZƏRTAC xəbər verir ki, Britaniya hökumətinin yeni qərarına əsasən, İspaniyadan gələn səyahətçilər, yeni səyahət qaydalarına əsasən, 14 gün müddətində karantinə alınacaqlar.
Buna səbəb kimi, ölkədə koronavirusa yoluxanların sayının artması göstərilib. Cümə günü İspaniyada 900-dən çox yoluxmanın olduğu bildirilmişdi.
Qeyd edək ki, Böyük Britaniya hökuməti iyul ayının 10-dan etibarən İspaniya da daxil olmaqla, bir neçə ölkədən gələn turistlər üçün karantin rejimini qaldırdığını açıqlamışdı.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
