“Brent” nefti ilə “Light”ın fyuçers qiymətləri arasındaki fərq son 1 ilin minimumuna enib
Bakı, 2 iyul, AZƏRTAC
Birjalarda “Brent” markalı neftlə “Light” neftinin fyuçers qiymətləri arasındaki fərq son 1 ilin minimumuna enib.
AZƏRTAC xəbər verir ki, bazarda qarşıdakı qısa dövrdə qiymətlər arasındakı fərqin daha da azalacağı gözlənilir.
Qeyd edək ki, dünən keçirilən OPEC Konfransının 181-ci toplantısı, eləcə də OPEC və OPEC-ə üzv olmayan bəzi ölkələrin (“OPEC+”) nazirlərinin 18-ci iclasında tərəflərin fikir ayrılıqları səbəbində qarşıdakı aylarda neft hasilatının artırılmasına dair hər hansı razılıq əldə olunmayıb.
Ekspertlər “OPEC+”un qarşıdakı dövr üçün neft hasilatını gündəlik 400-500 min barel artıracağını gözləyirlər.
Bəzi analitiklərin fikrincə isə fikir ayrılığı hasilatın ümumiyyətlə artırılmaması ilə də nəticələnə bilər. Yəni koalisiya 2022-ci ilin aprelinə qədər hasilatı artırmaya bilər.
Hazırda “Brent” markalı neftin bir bareli Londonun ICE birjasında 75,77 dollara, “Light” neftinin bir bareli isə Nyu-Yorkun NYMEX birjasında 75,05 dollara satılır.
Bölmənin digər xəbərləri
