Britaniya hökuməti qondarma “Dağlıq Qarabağ respublikası”nı və onun “məhkəməsi”ni tanımır
Bakı, 28 yanvar, AZƏRTAC
Britaniya parlamentində lord Con Teylor Kilkluninin sualını cavablandıran bu ölkənin Xarici İşlər Nazirliyinin dövlət məsələləri üzrə naziri Baronessa Anelay deyib ki, Böyük Britaniya hökuməti qondarma “Dağlıq Qarabağ respublikası”nı tanımır.
AZƏRTAC xəbər verir ki, lord Kilkluninin sualı işğal olunmuş Azərbaycan torpaqlarında qohumlarının məzarlarını ziyarət edərkən Ermənistan silahlı qüvvələri tərəfindən girov götürülmüş iki azərbaycanlı mülki şəxsin - Şahbaz Quliyevin və Dilqəm Əsgərovun taleyi ilə bağlı olub.
Baronessa Anelay vurğulayıb ki, Britaniya hökuməti “Dağlıq Qarabağ respublikası” nı tanımamaqla yanaşı, sualda qeyd edilən “məhkəmə icraatının hüquqi bazası”nı da tanımır.
Dövlət məsələləri üzrə nazir Böyük Britaniya hökumətinin həmin girovların taleyi məsələsini Beynəlxalq Qırmızı Xaç Komitəsi qarşısında da qaldırdığını söyləyib.
Bölmənin digər xəbərləri
