Britaniyalı zooloq itlərə işgəncə verdiyinə görə 10 il həbs cəzası alıb
London, 8 avqust, AZƏRTAC
Britaniyalı məşhur timsah mütəxəssisi və zooloq Adam Britton onlarla itə işgəncə vermək və öldürmək ittihamı ilə 10 il 5 ay müddətinə azadlıqdan məhrum edilib.
Avstraliyanın Darvin şəhərində yaşayan zooloq Ali Məhkəmə tərəfindən 56 ittiham üzrə təqsirli bilinib. Bildirilib ki, o, 42 itə işgəncə verib və istismar edib, onların 39-nun ölümünə səbəb olub. O, cinayətlərinin bir çoxunu lentə alıb. Həmçinin, Adam Brittona heyvan almaq və onları öz mülkündə saxlamaq ömürlük qadağan olunub.
Qeyd edək ki, Adam Britton Çarlz Darvin Universitetində baş tədqiqatçı olub, həmçinin “BBC” və “National Geographic”in müxtəlif proqramlarında zooloq kimi iştirak edib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
