Bu gün Azərbaycan Kubokunda daha dörd oyun keçiriləcək
Bakı, 30 oktyabr, AZƏRTAC
Bu gün Azərbaycan Kubokunda II təsnifat mərhələsinin daha dörd oyunu keçiriləcək.
AZƏRTAC xəbər verir ki, Misli Premyer Liqasında çıxış edən “Şamaxı” doğma meydanda II Liqa təmsilçisi “Şəmkir”i qəbul edəcək. Şamaxı şəhər stadionunda təşkil olunacaq qarşılaşma saat 14:00-da başlayacaq. Eyni saatda daha iki görüş reallaşacaq. “Mingəçevir” “Zaqatala”nı, “Qaradağ Lökbatan” isə “Karvan”ı sınağa çəkəcək.
Günə 15:00-da start götürəcək “Şəfa” – “Difai” oyunu ilə yekun vurulacaq.
Qeyd edək ki, bu mərhələnin daha əvvəl keçirilən görüşlərində "Turan Tovuz" "Hypers Guba"nı (7:2), MOİK "Şimal”ı (3:1) “Araz -Naxçıvan" "Şahdağ Qusar"ı (4:0), "Kəpəz" "Ağdaş"ı (6:0), "Səbail" isə "Dinamo"nu (7:0) üstələyərək 1/8 final mərhələsinə vəsiqə qazanıb.
Bölmənin digər xəbərləri
