Bu gün Azərbaycan millisi Avropa çempionatının qarışıq komanda yarışında Avstriya ilə qarşılaşacaq
Bakı, 18 sentyabr, AZƏRTAC
Çexiyanın paytaxtı Praqada təşkil olunan gənc cüdoçular arasında Avropa çempionatında bu gün qarışıq komanda yarışı keçiriləcək.
AZƏRTAC xəbər verir ki, Azərbaycan yığması mübarizəyə təsnifat mərhələsindən başlayacaq. Millimizin ilk rəqibi Avstriya yığması olacaq. Görüşün qalibi dörddəbir finalda Gürcüstan millisi ilə qarşılaşacaq.
Komanda yarışında ümumilikdə 12 komanda iştirak edəcək.
Qeyd edək ki, cüdoçularımız fərdi yarışlarda 3 qızıl, 1 gümüş və 1 bürünc medal qazanaraq oğlanlar arasında birinci, ümumi komanda hesabında isə ikinci yerə çıxıblar.
Bölmənin digər xəbərləri
