Bu gün Ümumdünya Təbiəti Mühafizə Cəmiyyətinin yaranması günüdür
Bakı, 29 noyabr, AZƏRTAC
29 noyabr - Ümumdünya Təbiəti Mühafizə Cəmiyyətinin yaranması günüdür.
AZƏRTAC xəbər verir ki, bu gün 1948-ci ildən etibarən dünyanın bir çox ölkəsində qeyd olunur.
Ümumdünya Təbiəti Mühafizə Cəmiyyəti ətraf mühitin mühafizəsi ilə məşğul olan beynəlxalq qeyri-kommersiya təşkilatıdır. Cəmiyyət özündə 82 dövləti, 111 dövlət qurumunu, 800-dən artıq qeyri-hökumət təşkilatlarını və dünyanın 181 ölkəsindən olan 10 000-ə yaxın alim və eksperti birləşdirir.
Azərbaycanda ətraf mühitin mühafizəsini Ekologiya və Təbii Sərvətlər Nazirliyi həyata keçirir. Nazirlik respublika ərazisində, o cümlədən Xəzər dənizinin Azərbaycana mənsub olan bölməsində ətraf mühitin qorunması, təbiətdən istifadənin təşkili, yeraltı sulardan, mineral xammal ehtiyatlarından və yerüstü təbii sərvətlərdən səmərəli istifadə edilməsi, onların bərpası, hidrometeoroloji proseslərin müşahidəsi və proqnozlaşdırılması sahəsində dövlət siyasətini həyata keçirən orqandır.
Bölmənin digər xəbərləri
