Budapeşt Avropa İttifaqının 13-cü sanksiyalar paketini bloklayır
Budapeşt, 16 fevral, AZƏRTAC
Rəsmi Budapeşt Rusiyadan və başqa ölkələrdən onlarla fiziki və hüquqi şəxsə aid edilə biləcək Avropa İttifaqının növbəti - 13-cü sanksiyalar paketini bloklayıb.
AZƏRTAC “Financial Times”da dərc olunan məqaləyə istinadla xəbər verir ki, Macarıstanın rəsmi nümayəndəsi Avropa İttifaqı ölkələrinin səfirləri ilə görüşdə buna qarşı çıxan yeganə adam olub.
Məqalədə deyilir ki, Rusiya, Çin və başqa ölkələrdən təxminən 200 nəfərə və təşkilata qarşı yönələn sanksiyalar paketi əks halda qəbul oluna bilərdi.
Qəzet Avropa İttifaqı məmurlarına istinadla qeyd edir ki, hərçənd bu dəfə Budapeştin qərarı Moskvaya deyil, Pekinə qarşı yönələn tədbirlərlə bağlı olub.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
