BÜDCƏ GƏLİRLƏRİ 68,8 FAİZ ÇOXALMIŞDIR
Ötən ilin müvafiq dövrü ilə müqayisədə büdcə gəlirləri 68,8 faiz və ya 628,1 milyon manat, xərcləri isə 59,9 faiz (541,6 milyon manat) çoxalmışdır.
Gəlirlərin 66,7 faizi (1027,1 milyon manat) Vergilər Nazirliyi, 16,1 faizi (248,2 milyon manat) Dövlət Gömrük Komitəsi tərəfindən ödənilmişdir. Hər iki təşkilat proqnozu artıqlaması ilə həyata keçirmişdir.
Gəlirlərin 346,2 milyon manatı və ya 22,5 faizi əlavə dəyər vergisindən, 193,9 milyon manatı (12,6 faiz) mənfəət vergisindən, 140,7 milyon manatı (9,1 faiz) əhalidən tutulan gəlir vergisindən, 68,5 milyon manatı (4,4 faiz) aksiz vergisindən, 135,3 milyon manatı (8,8 faiz) isə xarici iqtisadi fəaliyyətlə bağlı vergilərdən daxil olmuşdur.
Büdcə xərclərinin 149,6 milyon manatı (10,3 faiz) əhalinin sosial müdafiəsi və sosial təminatına, 212,7 milyon manatı (14,7 faiz) təhsilə, 441,6 milyon manatı (30,5 faiz) isə iqtisadiyyata sərmayə qoyuluşuna xərclənmişdir.
Büdcə xərclərinin 34 faizini (492 milyon manat) əhaliyə əmək haqqı, pensiya və müavinət ödəmələri təşkil etmişdir.
Bölmənin digər xəbərləri
