Bakı, 11 sentyabr, AZƏRTAC

İqtisadiyyat Nazirliyi yanında Əmlak Məsələləri Dövlət Xidməti tərəfindən keçirilən növbəti hərracda 20 nəqliyyat vasitəsi və 24,5 ton metal çiv satılıb.

AZƏRTAC Əmlak Məsələləri Dövlət Xidmətinə istinadla xəbər verir ki, hərraca çıxarılan əmlaklara 69 sifariş qəbul edilib. Rəqabətli keçən hərracda ilkin qiyməti 5 min manat olan 24,5 ton metal çiv 11 min manata, start qiyməti 6 min 500 manat olan “Ford Transit” markalı nəqliyyat vasitəsi isə 9 min 65 manata satılıb.

Hərracda satılan əmlakların siyahısı ilə https://bit.ly/4cVEEfG linki vasitəsilə tanış olmaq olar.

Növbəti hərraclar sentyabrın 17-də və 30-da keçiriləcək.