Cahit Bağçı: Bakı Forumu dünyanın qlobal problemlərinin müzakirə olunduğu platformadır
Bakı, 9 mart, AZƏRTAC
Qlobal Bakı Forumunda hər il fərqli mövzulara toxunulur. Bu gün Bakıda, bu Forumda qlobal məsələlər danışılırsa, demək müxtəlif yerlərdə böyük problemlər var. Bu problemləri aradan qaldırmaq məcburiyyətindəyik.
AZƏRTAC xəbər verir ki, bu fikri Türkiyənin Azərbaycandakı səfiri Cahit Bağçı Bakıda keçirilən “Dünya bu gün: Çağırışlar və ümidlər” mövzusunda X Qlobal Bakı Forumunda jurnalistlərə müsahibəsində söyləyib.
“Ölkəmizdə zəlzələ olmasaydı Antalya Diplomatiya Forumu da bənzər mövzuları qaldıracaqdı. Qlobal məsələlərə həll yolu tapacaq məntiqli, ədalətli, regional təmsilçiliyi olan və mədəni ayrı-seçkiliyi olmayan, bütün yer kürəsinin mövzularını əla alacaq yeni bir anlayışa ehtiyac var. Qlobal Bakı Forumu hazırda bu ehtiyacı qarşılayır. Bakı Forumu hazırda dünyanın qlobal problemlərinin həlli yollarının müzakirə olunduğu platforma kimi çıxış edir. Forumda çox vacib qonaqlar iştirak edir, müxtəlif mövzularda panel müzakirələr aparılacaq, ümumiyyətlə, tədbirin uğurlu keçəcəyinə inanıram”, - deyə Cahit Bağçı qeyd edib.
Bölmənin digər xəbərləri
