CAR-ın Konqodakı hərbi missiyası itkiyə məruz qalıb
Bakı, 15 fevral, AZƏRTAC
Cənubi Afrika Respublikasının (CAR) üsyançılarla mübarizə aparmaq üçün Konqo Demokratik Respublikasına göndərdiyi missiyanın hərbi bazasına mərmi atılıb.
AZƏRTAC BBC teleradio kampaniyasına istinadla xəbər verir ki, bazaya mərmi düşməsi nəticəsində iki əsgər həlak olub, üçü isə yaralanıb. CAR ordusunun komandanlığı bunun “təsadüfi mərmi” olduğunu və bazanın hədəf alınmadığını bildirib.
Qeyd edək ki, etnik Tutsi qəbiləsinə bağlı M23 hərəkatının hücumları son günlər on minlərlə sakinin evlərini tərk etməsi ilə nəticələnib.
Bölmənin digər xəbərləri
