Cəlilabadda sərxoş vəziyyətdə karantin qaydalarını pozan şəxs həbs edilib
Bakı, 25 iyul, AZƏRTAC
Sərtləşdirilmiş karantin rejiminin tələblərinə uyğun olaraq Cəlilabad Rayon Polis Şöbəsinin əməkdaşları tərəfindən aparılan yoxlama zamanı Cəlilabad sakini Ramiz Məmmədovun şəhər ərazisində müvafiq icazə olmadan yaşayış yerini tərk etdiyi müəyyən edilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, sərxoş vəziyyətdə olan həmin şəxs polisin qanuni tələblərinə tabe olmadığı üçün saxlanılaraq Cəlilabad Rayon Polis Şöbəsinə gətirilib. Onun barəsində toplanmış materiallar Cəlilabad Rayon Məhkəməsinə göndərilib. Ramiz Məmmədov məhkəmənin qərarı ilə 10 sutka inzibati qaydada həbs edilib.
Bölmənin digər xəbərləri
