Cənub-Şərqi Asiyada yeni bitki və heyvan növləri tapılıb
Bakı, 20 dekabr, AZƏRTAC
Tədqiqatçılar Cənub-Şərqi Asiya regionunda 163 yeni bitki və heyvan növü tapıblar.
AZƏRTAC qazeta.ru saytına istinadla xəbər verir ki, yeni növlər arasında tüklü yarasa, qırmızı-qara nişanları olan triton, tikanlı ağac kərtənkələsi və solğun mavi rəngli ilan da var. Yeni növlər Myanma, Tailand, Kamboca, Vyetnam və Laosda insanların gedə bilmədikləri yüksək dağlıq ərazilərdə və meşələrin dərinliyində aşkarlanıb.
Axtarışa yeni növ nadir heyvan və bitkilərin qeyri-leqal ticarəti səbəb olub. Söz yox ki, yeni növləri qorumaq üçün onların harada yaşadığını əvvəlcədən bilmək lazımdır. Alimlər 1997-cü ildən 2015-ci ilədək bu bölgədə 2409 naməlum heyvan və bitki növü aşkar ediblər.
Bölmənin digər xəbərləri
