Cənubi Afrika Respublikasının jurnalistləri ölkəmizdə səfərdədir
Bakı, 6 oktyabr, AZƏRTAC
Mədəniyyət və Turizm Nazirliyinin beynəlxalq fəaliyyətinin prioritetlərindən biri də Azərbaycanın turizm potensialının və mədəni irsinin dünyada təbliğidir. Bu istiqamətdə müxtəlif ölkələrin kütləvi informasiya vasitələrinin nümayəndələrinin mütəmadi olaraq ölkəmizə səfəri təşkil edilir.
Nazirlikdən AZƏRTAC-a bildirilib ki, bununla əlaqədar Azərbaycanın Cənubi Afrika Respublikasındakı səfirliyinin təşəbbüsü və Mədəniyyət və Turizm Nazirliyinin təşkilatçılığı ilə sözügedən ölkənin tanınmış jurnalistlərindən ibarət qrup ölkəmizdə səfərdədirlər.
Oktyabrın 10-dək davam edəcək səfər çərçivəsində Bakı, Qəbələ və İsmayıllının mədəni, tarixi yerlərini ziyarət planlaşdırılır. Həmçinin, Mədəniyyət və Turizm və Xarici İşlər nazirliklərinin rəsmiləri ilə görüşlərin təşkili nəzərdə tutulub.
Bölmənin digər xəbərləri
