Çaylarda sululuq azalmışdır
Bakı, 3 avqust (AZƏRTAC). Avqust ayının ilk günlərində çaylarda sululuğun azalması müşahidə olunmuşdur.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, hazırda Böyük Qafqazın Şəki-Zaqatala bölgəsi çaylarında sululuq ongünlük normanın 80, Quba-Xaçmazda 80-95, Lənkəran-Astarada 90, Kiçik Qafqazda 90-95, Naxçıvan MR çaylarında isə 50 faizini təşkil edir.
Kür çayının Qıraqkəsəmən məntəqəsində su sərfi saniyədə 97 kubmetr, Qanıx çayının Əyriçay məntəqəsində isə saniyədə 46 kubmetrdir.
Kürün aşağı axınındakı Surra məntəqəsində suyun səviyyəsi 428, Şirvanda 307, Salyanda 305, Bankədə 249, Araz çayının Novruzlu məntəqəsində isə 143 santimetr olmaqla, ötən ilin müvafiq dövrü ilə müqayisədə aşağıdır.
Bölmənin digər xəbərləri
