Çeçenistan parlamentariləri hədislər və məzhəblərə aid mətnlərin ekstremizmə aid edilməsinə qarşıdır
Moskva, 31 yanvar, AZƏRTAC
Çeçenistan Respublikasının parlamenti “Ekstremist fəaliyyətlə mübarizə haqqında” qanuna düzəliş təklif edib.
AZƏRTAC xəbər verir ki, Çeçenistan parlamentariləri hədislər və Hənəfi, Maliki, Şafiilik və Hanbali məzhəblərindəki mətnlərin ekstremizmə aid edilməsinin qadağan olunmasını istəyirlər.
Xatırladaq ki, bir müddət əvvəl Rusiyada əl-Buxarinin hədislərinin ekstremist materiallar siyahısına daxil edilməsi qalmaqala səbəb olmuşdu.
Qanuna düzəlişdə deyilir ki, “Bibliya” və “Qurani-Kərim”, eləcə də xristianlıq və İslam dininə dair müqəddəs yazılar, hədislər ekstremist ədəbiyyat sayıla bilməz.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
