Çempionlar Liqası: İngilis və ispan klubları qələbə qazanıb
Bakı, 22 yanvar, AZƏRTAC
Almaniyanın "Bavariya" klubu ilə Belçikanın “Yunion” klubu arasında UEFA Çempionlar Liqasının yeddinci turunun oyunu başa çatıb.
AZƏRTAC xəbər verir ki, komandalar Almaniyanın Münhen şəhərindəki “Arena München” stadionunda qarşılaşıb.
Meydan sahibləri 2:0 hesablı qələbə qazanıblar.
“Bavariya”nın hücumçusu Harri Keyn 52-ci dəqiqədə hesabı açıb. Keyn 55-ci dəqiqədə penaltidən ikinci qolunu vurub.
Turun digər oyununda “Liverpul” Fransada “Marsel”in qonağı olub. Qonaqlar matçda 3:0 hesabı ilə qalib ayrılıblar.
“Nyukasl Yunayted” doğma meydançada PSV-ni sınağa çəkib. Oyun meydan sahiblərinin böyükhesablı qalibiyyəti ilə yekunlaşıb – 3:0.
Çexiyada keçirilən “Slaviya” – “Barselona” matçı məhsuldar olub. Qonaqlar 4:2 hesabı ilə qələbə qazanıblar.
“Yuventus” Turində “Benfika”nı qəbul edib. İtaliyalılar matçdan 2:0 hesabı ilə qalib ayrılıblar.
55-ci dəqiqədə “Yuventus”un yarımmüdafiəçisi Kefren Türam-Yulyen komandasını hesabda irəli çıxarıb. 64-cü dəqiqədə Veston Makkenni Turin təmsilçisinin üstünlüyünü ikiqat artırıb.
İngiltərədə “Çelsi” və Kiprin “Pafos” klubu üz-üzə gəlib. Matç İngiltərə klubunun minimal hesablı qələbəsi ilə bitib – 1:0.
Oyunun yeganə qolunu 78-ci dəqiqədə Moyses Kaysedo vurub.
“Atalanta” öz meydançasında “Atletik Bilbao” ilə qarşılaşıb. Oyun İspaniya təmsilçisinin qələbəsi ilə qurtarıb – 3:2.
Bölmənin digər xəbərləri
