Çexiyada pandemiya ilə bağlı vəziyyət yaxşılaşır
Praqa, 9 aprel, AZƏRTAC
Dünən Çexiyada 7015 koronavirusa yoluxma faktı aşkarlanıb.
AZƏRTAC xəbər verir ki, bu, cari ilin ən aşağı artım göstəricisi olduğundan ölkə üçün yaxşı xəbər sayılır. Bundan bir gün əvvəl təxminən min beş yüz nəfərdən çox xəstə qeydiyyata alınıb. Çexiyada koronavirusdan ümumilikdə 27 min 466 nəfər həyatını itirib. Ancaq yaxşı xəbər odur ki, standart oksigen terapiyası olan ölkə xəstəxanalarındakı bütün çarpayıların dörddə biri artıq boşdur. Bu isə o deməkdir ki, ölkə tədricən koronavirus böhranının öhdəsindən gəlməkdədir.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
