DÜNYA
Çilidə tur gəmisinin batması nəticəsində ölənlərin sayı altıya çatıb


Bakı, 28 yanvar, AZƏRTAC
Çilinin cənubunda tur gəmisinin batması nəticəsində ölənlərin sayı altıya çatıb.
AZƏRTAC Sinxua agentliyinə istinadla xəbər verir ki, əyalət prezidentinin nümayəndəsi qayığın lazımi təhlükəsizlik vasitələri ilə təchiz edilmədiyini və göyərtəsində xeyli insan olduğunu bildirib.
İlkin araşdırmalara görə, mühərriklərindən birinin nasazlığı gəminin qayalara çırpılmasına və batmasına səbəb olub.
Hadisə ilə bağlı araşdırmalar davam edir.