Çin ÜST-ni koronavirusun ABŞ laboratoriyasından sızması versiyasını araşdırmağa çağırıb
Bakı, 31 mart, AZƏRTAC
Ümumdünya Səhiyyə Təşkilatı (ÜST) koronavirusun ABŞ-ın Fort-Detrikdəki hərbi laboratoriyasından və digər ölkələrin müvafiq müəssisələrindən sızması versiyasını öyrənməlidir.
AZƏRTAC xəbər verir ki, bu barədə Çin Xarici İşlər Nazirliyinin rəsmi nümayəndəsi Xya Çun-in martın 31-də keçirilən müntəzəm brifinqdə bildirib.
Onun sözlərinə görə, ekspert qrupunun üzvləri lazım gəldiyi təqdirdə dünyanın bütün müvafiq laboratoriyalarında tədqiqat aparacaqlarını bildiriblər. “Bildiyiniz kimi, Uxandakı laboratoriyalarda bu cür tədqiqat aparılıb. Bəs Fort-Detrik ekspertlərin üzünə nə vaxt açılacaq?”, - deyə diplomat xanım soruşub.
O, həmçinin qeyd edib ki, Fort-Detrik laboratoriyası haqqında xəbərlər KİV-də 2019-cu ilin iyununda verilirdi, amma indi susurlar.
Bölmənin digər xəbərləri
