Cin Baderşnayder: Cənub Qaz Dəhlizinin açılması Avropa üçün çox strateji yüksəlişdir
Bakı, 10 mart, AZƏRTAC
X Qlobal Bakı Forumu çox unikaldır. Bu Forumda müxtəlif fikirlər səslənir və müzakirələr aparılır.
Bu sözləri AZƏRTAC-a müsahibəsində Köləliyin müasir formalarının aradan qaldırılması üçün Qlobal Fondun İdarə Heyətinin sədri, "Exxon Mobile" şirkətinin keçmiş vitse-prezidenti, Nizami Gəncəvi Beynəlxalq Mərkəzinin İdarə Heyətinin üzvü Cin Baderşnayder söyləyib.
Azərbaycanın ərazi baxımından kiçik ölkə olmasına baxmayaraq, son bir neçə ildə Avropanın enerji təhlükəsizliyinə böyük töhfələr verdiyini vurğulayan C.Baderşnayder deyib: “Azərbaycan bir neçə ölkəyə - Bolqarıstana, Rumıniyaya qaz ixracını artırıb. Cənub Qaz Dəhlizinin açılması Avropa üçün çox strateji yüksəlişdir. Bu, enerji təhlükəsizliyinə böyük töhfədir".
Bölmənin digər xəbərləri
