CİNAYƏT HADİSƏLƏRİNİN ÜSTÜ İSTİ İZLƏRLƏ AÇILMIŞDIR
Daxili İşlər Nazirliyinin mətbuat xidmətindən AZƏRTAC-a verilən məlumata görə, avqustun 21-də respublika ərazisində qeydə alınmış 25 cinayət hadisəsindən 22-nin üstü isti izlərlə açılmışdır. Keçirilmiş əməliyyat nəticəsində Cinayət Məcəlləsinin müxtəlif maddələri ilə axtarışda olan 8 nəfər tutularaq istintaq orqanlarına təhvil verilmişdir.
Daxili işlər orqanları əməkdaşları tərəfindən narkotiklərlə əlaqədar 7, qanunsuz saxlanılan silah-sursatla bağlı 3 fakt müəyyən edilmiş, cinayət törətdiklərinə görə 28 nəfər tutulmuşdur. Yeddi yol-nəqliyyat qəzasında altı nəfər ölmüş, 9 adam yaralanmışdır. Gün ərzində beş yanğın hadisəsi baş vermişdir.
Bölmənin digər xəbərləri
