Ciqan: Azərbaycan tamaşaçılarına alqışlarına görə təşəkkür edirəm
Bakı, 30 iyul, AZƏRTAC
Əhval-ruhiyyə yüksək səviyyədədir. Azərbaycan tamaşaçılarına alqışlarına görə təşəkkür edirəm. Bakını çox sevirəm. Burada məxsusi ab-hava mövcuddur. Belə mötəbər festivalda iştirak etməyimə çox şadam.
AZƏRTAC xəbər verir ki, bu sözləri jurnalistlərə müsahibəsində “Jara” festivalının iştirakçısı, Rusiyanın tanınmış rep ifaçısı Ciqan deyib.
Bakıda sevilən hitlərini səsləndirdiyini bildirən Ciqan çıxışının gözlənildiyindən də uğurlu alındığını vurğulayıb. “Bir daha qeyd etmək istəyirəm ki, təşkilatçılar hər nüansı incə detalına qədər dəqiqliklə düşünüblər. Bu mötəbər musiqi bayramının illərlə davam edəcəyinə əminəm. Bu festivalda gələcəkdə də iştirakı məmnunluqla gözləyəcəyəm”,- deyə rep ifaçısı vurğulayıb.
Bölmənin digər xəbərləri
