C.NAXÇIVANSKİ ADINA HƏRBİ LİSEYDƏ “MAHİR NİŞANÇI” GÜLLƏ ATICILIĞI ÜZRƏ RESPUBLİKA BİRİNCİLİYİNƏ YEKUN VURULMUŞDUR
AZƏRTAC xəbər verir ki, mayın 2-də Cəmşid Naxçıvanski adına Hərbi Liseydə Könüllü Hərbi Vətənpərvərlik Texniki İdman Cəmiyyətinin (KHVTİC) Respublika Şurası ilə Bakı Şəhər Gənclər və İdman Baş İdarəsinin yuxarı sinif şagirdləri arasında ümummilli lider Heydər Əliyevin 85 illik yubileyi ilə əlaqədar birgə təşkil etdikləri “Mahir nişançı” güllə atıcılığı üzrə respublika birinciliyinin final mərhələsi keçirilmişdir.
Yarışda 8 komanda bacarıqlarını nümayiş etdirmişdir.
Tədbirin başlıca məqsədi Ermənistanla müharibə vəziyyətində olan ölkəmizin gəncləri arasında hərbi vətənpərvərlik ruhunu gücləndirmək, onları ordu sıralarına xidmətə hazırlamaq və yaxşı nişançıları üzə çıxarmaqdır.
Yarışın nəticələrinə görə, birinci yeri Şamaxı, ikinci yeri Bakının Nizami, üçüncü yeri Xaçmaz rayonlarının komandaları tutmuşlar.
Komandalar və şəxsi birincilikdə fərqlənmiş gənc nişançılar kubok və diplomlarla mükafatlandırılmışlar.
Bölmənin digər xəbərləri
