Cüdoçumuz Rüstəm Orucov “Böyük dəbilqə” turnirində bürünc medal qazanıb
Bakı, 27 oktyabr, AZƏRTAC
Birləşmiş Ərəb Əmirliklərinin paytaxtı Abu-Dabidə cüdo üzrə “Böyük dəbilqə” beynəlxalq turniri davam edir.
AZƏRTAC xəbər verir ki, yarışın ikinci günündə Azərbaycan milli komandası aktivinə daha bir medal yazdırıb.
Turnirdə 73 kiloqram çəki dərəcəsində ölkəmizi təmsil edən Rüstəm Orucov “Böyük dəbilqə”nin bürünc medalına sahib olub. Azərbaycan cüdoçusu 3-cü yer uğrunda görüşdə Belçika nümayəndəsi Dirk Van Tiçelti məğlub edib.
Xatırladaq ki, yarışın ilk günündə 66 kiloqram çəki dərəcəsində mübarizə aparan Nicat Şıxəlizadə gümüş medal qazanıb.
Qeyd edək ki, 47 ölkədən 277 idmançının (172 kişi, 105 qadın) mübarizə apardığı mötəbər turnirdə Azərbaycan milli komandası 11 cüdoçu (8 kişi, 3 qadın) ilə təmsil olunur.
Bölmənin digər xəbərləri
