DAMA ÜZRƏ AZƏRBAYCAN ÇEMPİONATI BAŞA ÇATMIŞDIR
Bakı, 19 yanvar (AZƏRTAC). Azərbaycan Dama Federasiyasından (ADF) bildirmişlər ki, Respublika Şahmat Mərkəzində keçirilən kişilər arasında ölkə çempionatı başa çatmışdır.
Rus versiyası üzrə keçirilən yarışda Elşən Zeynalov və Fərhad Hüseynov hərəyə 22 xal toplamışlar. Lakin əlavə göstəricilərə görə Elşən Zeynalov 1-ci yeri tutmuşdur. Fərhad Hüseynov 2-ci, Aslan Aslanlı isə 20 xalla 3-cü olmuşdur.
ADF-in vitse-prezidenti İbrahim İsmaylov bildirmişdir ki, yaxşı nəticə göstərmiş damaçılar martda Rusiyanın Çelyabinsk şəhərində keçiriləcək dünya çempionatına vəsiqə qazanmışlar.
Bölmənin digər xəbərləri
