DÇ-2026: Qlobal səhiyyə qurumları yoluxucu xəstəliklərə qarşı təhlükəsizlik tədbirlərini gücləndirib
Bakı, 4 iyun, AZƏRTAC
ABŞ, Kanada və Meksikada keçiriləcək futbol üzrə dünya çempionatı öncəsi qlobal səhiyyə qurumları yoluxucu xəstəlik risklərinə qarşı təhlükəsizlik tədbirlərini gücləndirib.
AZƏRTAC xarici mətbuata istinadən xəbər verir ki, oyunların keçiriləcəyi şəhərlərdə çirkab sularının monitorinqi və digər nəzarət sistemləri genişləndirilib. Səhiyyə rəsmiləri milyonlarla azarkeşin qatılacağı turnir zamanı mümkün təhlükələrə qarşı hazır olduqlarını vurğulayıblar.
Bildirilib ki, Ebola ilə bağlı narahatlıqlar olsa da, bu xəstəliyin yayılma riski çox aşağıdır. ABŞ-də son illərdə qızılca hallarının artması ilə əsas diqqət daha yoluxucu xəstəliklərə yönəlib. Həmçinin denge qızdırması, qida zəhərlənmələri və isti hava ilə bağlı sağlamlıq problemləri də risklər sırasında göstərilir.
Qeyd edək ki, dünya çempionatı iyunun 11-dən iyulun 19-dək 48 milli komandanın iştirakı ilə keçiriləcək.
Bölmənin digər xəbərləri
