Dəniz Akademiyasında 2020/2021-ci tədris ilinin yaz semestri fevralın 15-dən başlayacaq
Bakı, 9 fevral, AZƏRTAC
“Azərbaycan Xəzər Dəniz Gəmiçiliyi” QSC-nin (ASCO) Azərbaycan Dövlət Dəniz Akademiyasında (ADDA) 2020/2021-ci tədris ilinin yaz semestri fevralın 15-dən başlayacaq.
ASCO-dan AZƏRTAC-a bildirilib ki, koronavirus pandemiyası ilə əlaqədar bakalavriat səviyyəsində dərslər ötən semestr olduğu kimi “Microsoft Teams” platforması üzərindən onlayn qaydada keçiriləcək. Magistratura səviyyəsində isə dərslər hər qrupda 5 nəfərdən çox olmamaq şərtilə ənənəvi qaydada təşkil olunacaq.
ADDA-ya giriş-çıxış zamanı bütün lazımi karantin qaydalarına əməl edilməsi zəruridir.
Bölmənin digər xəbərləri
