DİPLOMATLARIMIZ QALAQAYIN ÇADIR DÜŞƏRGƏSİNDƏ OLMUŞLAR
Diplomatlar Ermənistanın işğalı nəticəsində ev-eşiklərindən, yurd-yuvalarından didərgin düşmüş soydaşlarımızla görüşmüş, onların problemləri ilə tanış olmuşlar. Nazirlər Kabinetinin şöbə müdiri Qurban Sadıqov məlumat verərək bildirmişdir ki, burada səkkiz rayondan 2189 ailə - on mindən artıq məcburi köçkün yaşayır. Azərbaycan Prezidentinin bəyan etdiyi kimi, gələn ilin sonunadək çadır düşərgələri tamamilə ləğv olunacaq, soydaşlarımızın hamısı yeni salınan qəsəbələrə köçürüləcək, onların istifadəsinə torpaq sahələri veriləcəkdir.
Diplomatlar çadır düşərgəsindəki 5 məktəbin ümumi vəziyyəti ilə də maraqlanmış, onların hərəsinə bir ədəd kompyuter hədiyyə etmişlər.
Xarici işlər nazirinin müavini Vaqif Sadıqov demişdir ki, xaricdə işləyən diplomatlarımızın məcburi köçkünlərin vəziyyətini öz gözləri ilə görmələri vacibdir. Onlar soydaşlarımızın taleyi ilə bağlı əsil həqiqətləri çalışdıqları ölkələrdə daha geniş yaymalıdırlar.
Bölmənin digər xəbərləri
