Dövlət Fonduna aid olan qış otlaq sahəsində yanğın baş vermişdir
Bakı, 23 iyun (AZƏRTAC). İyunun 21-də saat 15-30 radələrində İlisu Dövlət Təbiət Qoruğu ilə həmsərhəd ərazidə yanğın baş vermişdir.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirmişlər ki, yanğın Dövlət Fonduna aid olan qış otlaq sahəsinin 20 hektar ərazisini əhatə etmişdir.
Qoruğun işçiləri alovun qoruq ərazisinə keçməsinin qarşısını almışlar.
Hadisə ilə bağlı Fövqəladə Hallar Nazirliyi Qax rayon Dövlət Yanğın Nəzarəti Xidmətinin əməkdaşları təhqiqat aparırlar.
Bölmənin digər xəbərləri
