DÖVLƏT GÖMRÜK KOMİTƏSİ MƏTBUAT XİDMƏTİNİN MƏLUMATI
Respublikamızın iqtisadi təhlükəsizliyinin keşiyində dayanan gömrük orqanları son illər qaçaqmalcılıq və gömrük qaydalarının pozulmasına qarşı ciddi mübarizə aparır, asan qazanc əldə etmək istəyində olanlara qarşı qanunvericiliyin tələbləri baxımından qırmızı işıq yandırırlar. Nəticədə ölkə ərazisinə qanunsuz malların gətirilməsinə heç bir halda yol verilmir. Siqaret qaçaqmalçıları da bu cəhətdən istisna deyildir.
Avqustun 28-də Astara gömrükxanasının əməkdaşları tərəfindən ölkə ərazisinə gizli keçirilməsinə cəhd göstərilən daha bir siqaret qaçaqmalçılığının qarşısı alınmışdır. Belə ki, Azərbaycan vətəndaşı Hüseynov Rauf Şəmistan oğlu idarə etdiyi “İkarus-250” markalı 10GU-904 dövlət nömrə nişanlı avtobusla İrandan respublikamıza gələrkən həmin gömrükxanada gömrük nəzarətindən keçirilmişdir. Yoxlama zamanı avtobusun gizli saxlanc yerlərindən ümumi dəyəri 27892000 manatlıq 15440 qutu “Pleasure” və “Pine” markalı xarici siqaretlər aşkar edilərək götürülmüşdür.
Fakt üzrə təhqiqat aparılır.
Bölmənin digər xəbərləri
