DÖVLƏT İDARƏÇİLİK AKADEMİYASINDA GÖRÜŞ
Respublikası Prezidenti yanında Dövlət İdarəçilik Akademiyasının rektoru, professor Seyfəddin Qəndilov, Kanadanın Türkiyədəki səfirliyinin inkişaf üzrə əməkdaşlıq departamentinin direktoru Suat Kınıklıoğlu və Kanada Beynəlxalq İnkişaf Agentliyinin mütəxəssisi Doris Uonq ilə görüşmüşdür.
Rektor qonaqlara akademiyanın yaranması barədə məlumat vermiş, Prezident Heydər Əliyevin digər sahələrlə yanaşı, bu sahəyə diqqət və qayğısını vurğulamışdır.
Görüşdə yaxın vaxtlarda akademiya ilə Kanadanın müvafiq təhsil ocağı arasında bağlanacaq müqavilənin şərtləri müzakirə olunmuş, birgə layihənin üstün istiqamətləri müəyyənləşdirilmiş, tərəflər arasında tələbə və müəllim mübadiləsi və s. barədə söhbət getmişdir.
Həmin gün rektor S.Qəndilov Paris ENA-nın beynəlxalq əlaqələr şöbəsinin əməkdaşları ilə də görüşmüşdür.
Bir neçə gün bundan əvvəl akademiyanın qonağı olan, Fransanın ölkəmizdəki səfiri xanım Şantal Puare ilə danışıqların davamı olan görüşdə dövlət idarəçiliyi üzrə məmurların hazırlanması istiqamətində Fransa modelindən də istifadə edilməsi üçün tərəflər arasında birgə layihə hazırlanması qərara alınmışdır.
Bölmənin digər xəbərləri
