Dövlət İmtahan Mərkəzi abituriyentlərə kömək etmək məqsədilə videoçarx hazırlayıb VİDEO
Bakı, 29 iyul, AZƏRTAC
Ali təhsil müəssisələrinə bütün qruplar üzrə müsabiqə şərtini ödəmiş abituriyentlər üçün ixtisas seçimi iyulun 29-dan avqustun 10-dək internet vasitəsilə aparılacaq.
Dövlət İmtahan Mərkəzindən AZƏRTAC-a bildirilib ki, bu müddət ərzində müsabiqədə iştirak etmək hüququ qazanmış abituriyentlərin qarşısında öz ixtisas seçiminə bir daha nəzər salmaq, seçimini dəqiqləşdirmək və təsdiqləmək vəzifəsi durur.
DİM tərəfindən abituriyentlərə kömək etmək məqsədilə “Abituriyentin elektron ixtisas seçimi ərizəsi”nin doldurulma qaydası haqqında maarifləndirici videoçarx hazırlanıb. Videoçarxda elektron ərizənin doldurulma qaydası mərhələ-mərhələ izah edilib.
Videoçarxı https://www.youtube.com/watch?v=6-wP-oAht8Q linkindən yükləmək olar.
Bölmənin digər xəbərləri
