Dövlət Neft Şirkətinin ekoloji parkında Avropa zeytununun artırılması işləri uğurla aparılır
Bakı, 16 oktyabr (AZƏRTAC). Azərbaycan Respublikası Dövlət Neft Şirkətinin (ARDNŞ) ekologiya idarəsinin ekoloji parkında ölkəmizin təbiətinin relikt, nadir, endemik və nəsli kəsilmək təhlükəsi olan həmçinin, Azərbaycan Respublikasının “Qırmızı kitabı”na salınmış ağac-kol növlərinin qorunması və çoxaldılması işləri uğurla davam etdirilir.
AZƏRTAC xəbər verir ki, hazırda ekoloji parkın qapalı və açıq şitilxana sahəsində nəsli kəsilmək təhlükəsi olan ağac-kol bitkilərindən 10-dək növün vegetativ və generativ yolla çoxaldılması işləri aparılır.
Avropa zeytunu qapalı və açıq şitilxana sahəsində bioekoloji xüsusiyyətləri nəzərə alınmaqla, təbii mühitə uyğun şəraitdə çoxaldılaraq becərilir. Parkın qapalı və açıq şitilxanada 180 mindən artıq Avropa zeytunu yetişdirilir və onlara aqrotexniki qaydalara uyğun olaraq qulluq göstərilir.
Bölmənin digər xəbərləri
