Dövlət Səs Yazıları Arxivi tərəfindən “Küçələrə su səpmişəm” adlı sənədli film hazırlanıb
Bakı, 19 iyun, AZƏRTAC
Dövlət Səs Yazıları Arxivi tərəfindən hazırlanan “Küçələrə su səpmişəm” adlı sənədli film istifadəçilərin ixtiyarına verilib.
Milli Arxiv İdarəsindən AZƏRTAC-a bildirilib ki, bu layihə 9 iyun - Beynəlxalq Arxivlər Günü, həmçinin “Beynəlxalq arxivlər həftəsi” çərçivəsində idarənin tabeliyində fəaliyyət göstərən Dövlət Səs Yazıları Arxivi tərəfindən hazırlanıb.
Sözügedən layihədə “Küçələrə su səpmişəm” xalq mahnısının yaranması, məşhur xanəndələr tərəfindən ifa edilməsi və onun Azərbaycan xalqının mənəvi varidatı olmasını sübut edən ARDSYA-da mühafizə edilən fono və videosənədlər barəsində məlumat verilir.
Sözügedən sənədli filmə Milli Arxiv İdarəsinin “YouTube” kanalından baxmaq olar.
Bölmənin digər xəbərləri
