DÖVRİYYƏDƏ OLAN PUL KÜTLƏSİNİN HƏCMİ 19,2 FAİZ ARTMIŞDIR
Milli Bankın mətbuat xidmətindən AZƏRTAC-a bildirmişlər ki, dövriyyədə olan pul kütləsinin həcmi (M2 aqreqatı) 2004-cü il dekabr ayının 1-nə 3089,1 milyard manat olmuşdur. 2004-cü ilin əvvəlinə nisbətən pul kütləsinin həcmi 19,2 faiz, 2003-cü il dekabrın 1-nə nisbətən isə bu göstərici 31,8 faiz artmışdır.
Ötən il dekabrın 1-nə olan pul kütləsinin 2090,9 milyard manatı nağd pul (M0 aqreqatı) vəsaitlərinin, 998,2 milyard manatı isə nağdsız vəsaitlərin payına düşmüşdür. İlin əvvəli ilə müqayisədə nağd pul kütləsi 2,4 faiz, qeyri-nağd pul kütləsi isə 81,1 faiz artmışdır.
Bölmənin digər xəbərləri
