DÜNYA AZƏRBAYCANLILARININ HƏMRƏYLİYİ GÜNÜ BERLİNDƏ QEYD OLUNMUŞDUR
Bakı, 5 yanvar (AZƏRTAC). Berlində 31 dekabr - Dünya Azərbaycanlılarının Həmrəyliyi günü və “Azərbaycan evi” Cəmiyyətinin yeni ofisinin açılışı münasibətilə tədbir keçirilmişdir.
Cəmiyyətin sədri Tofiq Qarayev soydaşlarımızı təbrik edərək, rəhbəri olduğu cəmiyyətin son 4 ildə gördüyü işlər barədə danışmışdır. O, 2010-cu ildə Azərbaycan diasporu tərəfindən Almaniyada həyata keçiriləcək işlər barədə də məlumat vermişdir.
Tədbirdə iştirak edən Milli Məclisin deputatları Nizami İsgəndərov və Əkrəm Abdullayev tədbir iştirakçılarını bayram münasibətilə təbrik etmiş, dövlətimizin başçısı İlham Əliyevin xaricdə yaşayan azərbaycanlılara qayğısından danışmışlar.
Daha sonra “Azərbaycan evi” Cəmiyyətinin yeni ofisinin açılışı olmuşdur.
Tədbirdə ölkəmizdən köçmüş yəhudi icmasının nümayəndələri də iştirak etmişlər.
Bölmənin digər xəbərləri
