DÜNYA BANKININ CƏNUBİ QAFQAZ ÖLKƏLƏRİ ÜZRƏ DEPARTAMENTİNİN YENİ DİREKTORU BAKIYA GƏLƏCƏK
Dünya Bankının Cənubi Qafqaz ölkələri üzrə Departamentinin yeni direktoru, bu vəzifədə Cudi Konnoru əvəz etmiş xanım Donna Douset - Koyrola sentyabrın 8-də Bakıya gələcəkdir.
Dünya Bankının Azərbaycandakı ofisindən AZƏRTAC-a bildirmişlər ki, Departamentin yeni direktoru müxtəlif layihələrin yerinə yetirilməsi ilə tanış olacaq, yeni proqramların həyata keçirilməsi perspektivlərini müzakirə edəcəkdir. Xanım Douset-Koyrola bu məqsədlə baş nazir və müavinləri, maliyyə və iqtisadi inkişaf nazirləri ilə, digər rəsmi şəxslərlə görüşəcəkdir. Sentyabrın 11-də başa çatacaq səfərin yekunlarına əsasən hesabat hazırlanacaq və Dünya Bankının mərkəzi ofisinə təqdim olunacaqdır.
Bölmənin digər xəbərləri
