DÜNYA ÇEMPİONATINA ƏN ÇOX AZARKEŞ İNGİLTƏRƏDƏN OLACAQDIR
Bunu çempionatda azarkeşlərin dəstəklənməsi layihəsinin direktoru Tomas Şnayderə istinadla Britaniyanın “San” qəzeti bildirmişdir.
Onun sözlərinə görə, Frankfurt-Maynda ingilislərlə paraqvaylıların görüşünə 65 min britaniyalı azarkeş gəlmişdi. İndi onların sayı daha beş min nəfər artmışdır. Qalan 30 min nəfərin isə yaxın vaxtlarda, daha doğrusu, hələ qrup turnirinin keçirildiyi günlərdə gələcəyi gözlənilir.
Şnayder demişdir ki, yarımqruplarda oyunlara 729 min əcnəbi, səkkizdəbir finaldan başlayaraq final görüşünədək isə xaricdən bir milyon azarkeş gələcəkdir.
Layihə direktorunun fikrincə, İngiltərə komandası finala çıxsa (ingilislər buna 1966-cı ildən həsrətdirlər), həlledici görüşə gələcək britaniyalı azarkeşlərin sayı üçqat artaraq, 300 min nəfərə çatacaqdır.
Bölmənin digər xəbərləri
