Dünya Minifutbol Federasiyasının vitse-prezidenti: Azərbaycan mundialı möhtəşəm təşkil etdi
Bakı, 2 iyun, AZƏRTAC
Bakıda minifutbol üzrə dünya çempionatı möhtəşəm təşkil olundu.
Bu sözləri AZƏRTAC-a açıqlamasında Dünya Minifutbol Federasiyasının vitse-prezidenti Peter Kralik Bakıda keçirilən dünya çempionatı ilə bağlı danışarkən deyib.
O, mundialın yerli azarkeşlər tərəfindən böyük izdihamla qarşılandığını bildirib: “Dünya çempionatı üçün böyük dəstək göstərildi. Azərbaycanın minifutbol üzrə çox gözəl komandası var. Onlara öz təbrikimi çatdırıram. Milli komandanız turnir ərzində əla oyun nümayiş etdirdi və qələbəni haqq etdi. Bu yarış minifutbol tarixində ən mötəbər turnir oldu”.
Qurum rəsmisi keçirildiyi Milli Gimnastika Arenasında olan təşkilatçılığı bəyəndiyini vurğulayıb: “Bu cür tədbirləri təşkil etməyin necə çətin olduğunu bilirəm. Lakin Azərbaycan bunun öhdəsindən əla şəkildə gəldi”.
Qeyd edək ki, Azərbaycan millisi finalda Macarıstana 4:2 hesabı ilə qalib gələrək dünya çempionu olub.
Bölmənin digər xəbərləri
