DÜNYA ŞÖHRƏTLİ SELEKSİYAÇININ TƏDQİQATLARINA HƏSR OLUNMUŞ TƏQVİM
AZƏRTAC xəbər verir ki, “Təknur” nəşriyyatı dünyada tanınmış seleksiyaçı alim, Milli Məclisin deputatı, akademik Cəlal Əliyevə həsr olunmuş divar təqvimi buraxmışdır.
Burada seleksiyaçı alimin rəhbərliyi altında yaradılmış və xəstəliyə, quraqlığa və şaxtaya davamlı, tezyetişən “Əzəmətli-95”, “Qiymətli-2/17”, “Nurlu-99”, “Ruzi-84”, “Bərəkətli-95”, “Şiraslan-23”, “Əlincə-84” kimi buğda sortlarından söhbət açılır. Təqvimdə Elmi Tədqiqat Əkinçilik İnstitutunun Tərtər, Qobustan, Cəlilabad, Şəki və Zaqatala bölgə təcrübə stansiyalarında aparılan işlərdən, habelə deputat Cəlal Əliyevin Saatlı rayonu ərazisində məskunlaşmış məcburi köçkünlərin sosial problemləri ilə müntəzəm maraqlanmasından bəhs edilir.
Təqvimdə verilmiş fotoşəkillərin müəllifi Fərid Xayrulindir.
Bölmənin digər xəbərləri
