DÜNYA TAEKVONDO FEDERASİYASININ PREZİDENTİ AZƏRBAYCANA GƏLMİŞDİR
Dünya Taekvondo Federasiyasının DTF prezidenti, Beynəlxalq Olimpiya Komitəsinin vitse-prezidenti Un Yanq Kim və onu müşayiət edən şəxslər oktyabrın 9-da Azərbaycana gəlmişlər. Hörmətli qonaq Azərbaycanın Baş naziri, Milli Olimpiya Komitəsinin prezidenti İlham Əliyevin təşəbbüsü ilə Bakı şəhərində tikilmiş, dünyada oxşarı olmayan “Musado” Taekvondo Kompleksinin açılışı mərasimində iştirak edəcəkdir. X X X Həmin gün Dünya Taekvondo Federasiyasının prezidenti Un Yanq Kim və onu müşayiət edən şəxslər Azərbaycanın azadlığı, müstəqilliyi və ərazi bütövlüyü uğrunda canlarını qurban vermiş qəhrəmanların uyuduğu Şəhidlər xiyabanını ziyarət etmiş, burada ucaldılmış “Əbədi məşəl” abidəsi önünə əklil qoymuşlar.
Bölmənin digər xəbərləri
