Dünya üzrə koronavirusa 98876 nəfər yoluxub
Bakı, 6 mart, AZƏRTAC
Dekabr ayından yayılmağa başlayan yeni növ koronavirusla bağlı son vəziyyət açıqlanıb. Çində baş qaldırmış yeni koronavirus (COVID-19) artıq 93 ölkəyə yayılıb. Dünya üzrə koronavirusa 98876 nəfər yoluxub, 3390 nəfər ölüb, 55812 nəfər isə sağalıb.
AZƏRTAC Dünya Səhiyyə Təşkilatına istinadən xəbər verir ki, ötən müddət ərzində İsveçrə, Norveç, Avstriya, Hindistan, Finlandiya, Pakistan, Filippin, Butan, Kamerun, Vatikan və Serbiyada da koronavirusa yoluxma qeydə alınıb. Bununla da, koronavirus aşkarlanan ölkələrin sayı 93-ə çatıb.
Virusa yoluxma və ölüm sayına görə epidemiyanın baş qaldırdığı Çin liderdir. Çində indiyədək 80559 nəfər koronavirusa yoluxub, 3042 nəfər ölüb, 53929 nəfər isə sağalıb.
Koronavirusdan ən çox əziyyət çəkən ölkə Çin, İran, İtaliya və Cənubi Koreyadır.
İkinci yerdə Cənubi Koreya gəlir. Bu ölkədə 6593 yoluxma, 42 ölüm faktı qeydə alınıb.
İtaliyada 3858 nəfərin koronavirusa yoluxduğu, onlardan 148 nəfərin öldüyü açıqlanıb.
Yaponiyada 381 nəfər koronavirusa yoluxub, 6 nəfər ölüb.
Bundan başqa, Yaponiya sahillərində “Doamond Princess” kruiz gəmisində də koronavirusa yoluxma faktı qeydə alınıb. Karantin altına alınan gəmidə 696 nəfərin yeni virusa yoluxduğu, 4 nəfərin öldüyü bildirilir.
Bölmənin digər xəbərləri
