Dünyanın üç ən böyük hərrac evinin satışları rekord həddə çatdı
Bakı, 30 dekabr, AZƏRTAC
Bu il dünyanın üç ən böyük hərrac evinin “Christies”, “Sothebys” və “Phillips”in ümumi satışları təqribən 18 milyard dollara çatıb.
AZƏRTAC xəbər verir ki, bu barədə “The Guardian” məlumat yayıb.
Məlumata görə, “Christies”in satışları 8,4 milyard dollar, “Sothebys”in 8 milyard, “Phillips”in isə 1,3 milyard dollar təşkil edib. Hər bir şirkət üçün keçən il satışda rekord il olub.
Nəşr qeyd edir ki, “Christies” incəsənət bazarının bütün tarixində ümumilikdə satış rekordu vurub. Belə ki, hərrac evi üçün builki gəlirin əsas payı boşandıqdan sonra əmlaklarını bölməyə qərar verən
milyarderlər Harri və Linda Maklounun kolleksiyasının ikinci hissəsinin satışından əldə olunub - 246 milyon dollar.
“Phillips” hərrac evi 2022-ci ildə satışlarını keçən illə müqayisədə 8 faiz artıra bilib. Şirkətin ən bahalı lotu 85 milyon dollara satılan Jan Mişel Baskiyanın tablosu olub.
Noyabrda “Microsoft”un mərhum həmtəsisçisi Pol Allenin şəxsi kolleksiyasından olan rəsm əsərləri 1,6 milyard dollardan çox qiymətə satılıb ki, bu da hərrac tarixində ən böyük tək mülkiyyətçi satışı olub.
Bölmənin digər xəbərləri
