Əfv edilən şəxs: Bizi sevindirdiyi üçün Prezident İlham Əliyevə minnətdarıq
Bakı, 26 may, Göyçək Mahmudlu, AZƏRTAC
Ehtiyatsızlıqdan baş verən avtoqəza zamanı adam öldüyü üçün dörd il müddətinə azadlıqdan məhrum olunmuşdum. Üç il idi ki, ömrüm doğmalarımdan uzaqda - həbsxana divarları arasında keçirdi. Bugünkü Sərəncamla cəzamın bir ilindən azad edildim.
AZƏRTAC xəbər verir ki, bunu jurnalistlərə müsahibəsində Əfv Sərəncamına əsasən 7 saylı məntəqə tipli cəzaçəkmə müəssisəsindən azadlığa buraxılan Natiq Bayramov bildirib.
O, fikirlərinə belə davam edib: "Yenidən ailəmlə birlikdə xoş günlər yaşayacağım üçün çox sevinirəm. Prezident İlham Əliyevə minnətdarıq ki, bizi sevindirdi, ailəmizin yanında olmaq üçün bizə şərait yaratdı".
Bölmənin digər xəbərləri
