Əfv olunan Gürcüstan vətəndaşı: Ailəmə qovuşduğum üçün çox sevinirəm
Bakı, 26 may, AZƏRTAC
Əfv edildiyim üçün Azərbaycan Prezidenti İlham Əliyevə minnətdarlığımı bildirirəm. Əfv olunacağıma inanırdım. Özüm müraciət etmişdim.
Bu sözləri AZƏRTAC-a açıqlamasında Əfv Sərəncamına əsasən Penitensiar xidmətin 10 saylı cəzaçəkmə müəssisəsindən azadlığa buraxılan Gürcüstan vətəndaşı Rüfət Bayramov bildirib.
"Ailəmə, uşaqlarıma qovuşduğum üçün çox sevinirəm. Nə xoş ki, bu gün mənə qismət oldu. Məhkum yoldaşlarımın da azadlığa çıxmasını arzu edirəm", - deyə o bildirib.
Qeyd edək ki, dövlətimizin başçısı İlham Əliyev mayın 26-da “Məhkum edilmiş bir sıra şəxslərin əfv olunması haqqında” Sərəncam imzalayıb.
Bölmənin digər xəbərləri
