Əhliman Əmiraslanov: Zəfərimizdən sonra qarşımızda duran əsas məsələ Qərbi Azərbaycana qayıdışdır
Bakı, 6 dekabr, AZƏRTAC
“Zəfərimizdən sonra qarşımızda duran əsas məsələ Qərbi Azərbaycana qayıdışdır. “Dəmir yumruq” bizi Qarabağa qaytardı, Azərbaycan Prezidentinin dəmir iradəsi isə bizi Qərbi Azərbaycana qaytaracaq”.
AZƏRTAC xəbər verir ki, bu fikirləri Qərbi Azərbaycan İcmasının Ağsaqqallar Şurasının sədri, Milli Məclisin deputatı Əhliman Əmiraslanov “Keçmişdən gələcəyə çağırış: Qərbi Azərbaycana qayıdış fəlsəfəsinə gənclərin baxışı” mövzusunda dekabrın 6-da keçirilən ictimai dinləmə zamanı səsləndirib.
“Qərbi azərbaycanlılar öz torpaqlarına silah gücünə deyil, sülh yolu ilə, ləyaqətli şəkildə qayıtmaq istəyirlər. Çünki bizim buna haqqımız var. Biz valideynlərimizin qəbrini ziyarət edə bilmirik. Ona görə də bizim ata-baba yurdumuza qayıtmaq üçün həm mənəvi, həm də hüququ haqqımız var”, - deyə komitə sədri vurğulayıb.
Ə.Əmiraslanov təəssüf hissi ilə bildirib ki, deportasiyalara münasibət Azərbaycana rəhbərlik edənlər tərəfindən birmənalı olmayıb. O qeyd edib ki, deportasiyalar vaxtilə ölkəyə rəhbərlik edənlərin razılığı ilə həyata keçirilib.
“Qərbi Azərbaycandan deportasiya olunanların problemlərinin həlli, bu deportasiyalara hüquqi və siyasi qiyməti Ulu Öndər Heydər Əliyev verib”, - deyə Əhliman Əmiraslanov əlavə edib.
Bölmənin digər xəbərləri
