Əhməd Əl Kaabi: Beynəlxalq əməkdaşlıq enerji təhlükəsizliyinin əsas şərtlərindən biridir
Bakı, 1 iyun, AZƏRTAC
Enerji təhlükəsizliyinin təmin olunmasında beynəlxalq əməkdaşlıq və elektrik şəbəkələrinin qarşılıqlı əlaqələndirilməsi mühüm rol oynayır.
AZƏRTAC xəbər verir ki, bu sözləri Birləşmiş Ərəb Əmirliklərinin Energetika və İnfrastruktur Nazirliyində Elektrik enerjisi, su və gələcək enerji sektoru üzrə nazir müavininin köməkçisi Əhməd Əl Kaabi Bakı Enerji Forumunda “Davamlı və şaxələndirilmiş
enerji gələcəyi naminə beynəlxalq əməkdaşlıq” mövzusundakı plenar müzakirəsində çıxışı zamanı deyib.
O bildirib ki, elektrik şəbəkələrinin ehtiyatlılığının artırılması enerji sistemlərinin dayanıqlılığı üçün vacib şərtlərdən biridir.
“Müxtəlif ölkələr arasında enerji əlaqələrinin mövcudluğu elektrik çatışmazlığı və ya fövqəladə hallar zamanı enerji təchizatının bərpasına kömək edir. Enerji resurslarına çıxış imkanları vacib olsa da, ölkələrin coğrafi mövqeyi və enerji marşrutlarını düzgün planlaşdırması enerji təhlükəsizliyinin təmin edilməsində həlledici rol oynayır”,- deyə o diqqətə çatdırıb.
Bölmənin digər xəbərləri
